Гадаадын 99 улсын 5700 орчим иргэн Монгол Улсад хөдөлмөрийн гэрээгээр болон сайн дурын ажил хөдөлмөр эрхэлж байна.
2023 оны эхний улиралд Монгол Улсаас БНСУ руу 188 хүн, Япон улс руу 28 хүн хөдөлмөрийн гэрээгээр цалин хөлстэй ажил эрхлэхээр явсан байна. Энэ нь өмнөх улирлаас 22.9 хувиар буурсан үзүүлэлт болж байна.
Харин Монгол Улсад хөдөлмөрийн гэрээгээр ажил хөдөлмөр эрхэлж буй гадаад иргэдийн тоо энэ оны эхний улиралд 2022 оны IV улирлаас 45.6 хувиар өссөнийг Үндэсний статистикийн хороо мэдээллээ. I улирлын байдлаар гадаадын 99 улсын 5700 орчим иргэн Монгол Улсад хөдөлмөрийн гэрээгээр болон сайн дурын ажил хөдөлмөр эрхэлж байсан аж. Тэдний 43 хувь нь БНХАУ, 8.9 хувь нь БНСУ, 8.9 хувь нь Вьетнам, 6.4 хувь нь ОХУ-ын иргэд байгаа бөгөөд 16.6 хувь нь 35-39 насныхан байгааг Үндэсний статистикийн хороо мэдээлэв.
Хөдөлмөрийн гэрээгээр ажил хөдөлмөр эрхэлж буй гадаад иргэд уул уурхай, боловсрол, худалдаа, автомашин, мотоциклын засвар үйлчилгээний салбарт түлхүү ажиллаж байна.
2023 оны эхний улиралд уул уурхайн салбарт ажиллагсдын нийт дүнд эзлэх хувь буурч, 29.4 хувь, барилгын салбарынх 11.3 хувь болжээ.
Харин боловсролын салбарт ажиллагсдын тоо өсөж, 17.8 хувь болсон бол бөөний болон жижиглэн худалдаа, автомашин, мотоциклын засвар үйлчилгээний салбарт ажиллагсдынх 11.6 хувь болж, нэмэгдсэн байна.
中蒙边境各公路口岸，“白月节”闭关3天
中蒙俄边境铁路委员会开会，商定增加交换列车数量等问题
扎布汗省：今年种植超过28.1万棵树
受新冠疫情影响，中蒙边境口岸旅客通道关闭，何时恢复开放成为大家关注的重点。
蒙古IKON网12月13日消息，根据三方达成的协议，蒙古国日前上调了月最低工资标准，新的月最低工资标准将从2023年1月1日起正式执行。
